வெள்ளி கிரகத்தில் உயிரினம் இருக்க வாய்ப்பு

செவ்வாய் செப்டம்பர் 15, 2020

பூமிக்கு அப்பால் உள்ள கிரகங்களில் உயிரினங்கள் ஏதேனும் இருக்குமா? என்ற கேள்விக்கு விடை கிடைத்துள்ளதாக அறிவியல் அறிஞர்கள் தெரிவித்துள்ளனர்.

சூரியனுக்கு அருகில் உள்ள வெள்ளி (வீனஸ்) கிரகத்தின் வெப்பநிலை 900 டிகிரி பாரன்ஹீட்டாக இருக்கும் என்று கருதப்படுகிறது. இந்த கிரகத்தைப் பற்றிய ஆய்வில் வெள்ளி கிரகத்தின் அமில மேகங்களில் இருந்து பாஸ்பீன் வாயுவின் தடயத்தை விஞ்ஞானிகள் கண்டுபிடித்தனர்.

ஹவாய் மற்றும் சிலியின் அட்டகாமா பாலைவனத்தில் தொலைநோக்கிகளைப் பயன்படுத்தி ஜானே கிரேவ்ஸ்  என்ற இங்கிலாந்து விஞ்ஞானி தலைமையிலான குழுவினர் வெள்ளி கிரகத்தின் மேற்பரப்பை ஆய்வு செய்தனர்.

வெள்ளி கிரகத்தின் நிலைமைகள் பெரும்பாலும் பகல்நேர வெப்பநிலையுடன் ஈயத்தை உருக்குவதற்கு போதுமான வெப்பம் மற்றும் கிட்டத்தட்ட முழுக்க முழுக்க கார்பன்-டை-ஆக்சைடு கொண்ட வளிமண்டலத்துடன் நரகமாக விவரிக்கப்படுகின்றன.

 அங்கு கரிமப் பொருட்களின் முறிவிலிருந்து பூமியில் பெரும்பாலும் ஏற்படும் எரியக்கூடிய வாயுவான பாஸ்பீனின் தடயங்களை வீனஸ் கிரகத்தின் மேற்பரப்பில் இருந்து 60 கிலோமீட்டர் (45 மைல்) தொலைவில் இருந்ததை அவர்கள் கண்டறிந்தனர்.

நிறமற்றதும், எளிதில் தீப்பிடிக்கக் கூடியதும், துர்நாற்றம் வீசக்கூடிய இந்த வாயு, ஒரு மடங்கு பாஸ்பரஸ் மற்றும் 3 மடங்கு ஹைட்ரஜன் என்ற அளவில் உருவாகும் வாயுவாகும்.

எனவே வெள்ளி கிரகத்தில் இந்த வாயு இருப்பதன் மூலம் ஹைட்ரஜன் இருப்பதும் உறுதியாகி உள்ளது. மனிதர்கள் உயிர் வாழ ஹைட்ரஜன் வாயுவும் தேவை என்பதால உறுதியாக வெள்ளி கிரகத்தில் உயிரினங்கள் இருப்பதற்கான சூழ்நிலை பிரகாசமாகி உள்ளதாக விஞ்ஞானிகள் ஆய்வறிக்கையில் தெரிவித்துள்ளனர்.

இதுகுறித்து நேச்சர் வானியல் இதழில் வெளியிடப்பட்டு உள்ள கட்டுரையில் ‘‘இத்தகைய பாஸ்பீன் இருப்பது வீனஸில் உயிர்கள் வாழந்ததற்கான எதையும் நிரூபிக்கவில்லை என்று குழு கூறி உள்ளது. இருப்பினும், அதன் உடைந்த மேற்பரப்பில் சுழலும் மேகங்கள் அதிக அமிலத்தன்மை கொண்டவை, எனவே பாஸ்பீனை மிக விரைவாக உமிழ்கின்றன என கூறி உள்ளனர்.

கார்டிஃப் பல்கலைக்கழக இயற்பியல் மற்றும் வானியல் பள்ளியைச் சேர்ந்த முன்னணி எழுத்தாளர் ஜேன் கிரேவ்ஸ், பாஸ்பைன் மட்டுமே இருப்பது பூமியின் அடுத்த பக்கத்து அண்டை கிரகங்களின் உயிர் வாழ்க்கைக்கு சான்றாக இல்லை என்று கூறினார்.

மேலும் "ஒரு கிரகத்தில் பாஸ்பீன் ஏராளமாக இருந்தாலும்கூட, அது வாழ்க்கைக்கு முக்கியமான ஒன்றைக் கொண்டிருக்கவில்லை - வேறு அங்கு நிலைமைகள் மிகவும் சூடாகவும், வறண்டதாகவும் இருக்கலாம்.

பூமியைத் தவிர வேறு ஒரு பாறை கிரகத்தில் பாஸ்பீன் இருப்பது கண்டறியப்பட்டது இதுமுதல் முறையாகும் என்று கிரேவ்ஸ் கூறினார்’’ என்று அந்தக் கட்டுரையில் தெரிவிக்கப்பட்டுள்ளது.