4 தமிழக மீனவர்கள் கைது!

செவ்வாய் ஓகஸ்ட் 20, 2019

நெடுந்தீவு அருகே மீன்பிடித்த தமிழக மீனவர்கள் 4 பேரை சிறிலங்கா  கடற்படையினர் கைது செய்தனர்.

இந்திய மீனவர்கள் ஆழ்கடலுக்கு மீன்பிடிக்க செல்லும்போதும், தங்கள் பாரம்பரிய மீன்பிடி பகுதிகளில் மீன்பிடிக்கும்போதும் அவர்களை இலங்கை கடற்படையினர் கைது செய்கின்றனர். அவர்களின் படகுகளையும் பறிமுதல் செய்கின்றனர்.

இந்நிலையில், புதுக்கோட்டை மாவட்டம் கோட்டைபட்டினத்தைச் சேர்ந்த மீனவர்கள் 4 பேர் இன்று அதிகாலை நெடுந்தீவு அருகே மீன்பிடித்துக்கொண்டிருந்தனர். 

அப்போது அங்கு வந்த சிறிலங்கா கடற்படையினர், தமிழக மீனவர்கள் 4 பேரையும் கைது செய்து அழைத்துச் சென்றனர். எல்லை தாண்டி மீன்பிடித்ததாக கூறி அவர்கள் கைது செய்யப்பட்டிருக்கிறார்கள். அவர்களின் படகையும் பறிமுதல் செய்துள்ளனர்.